Algemeen

“Tösse Kuns en Kitsj” nao Zjwame!¶

Door Gilsing lokale media

Dao kump get sjieks nao Zjwame: ‘t popelaere programma ‘Tösse Kuns & Kitsj’
kump nao ós dörp! En natuurlik waert mennig intresante veurwerpe (al of neet
verranneweerd of verkassebengeld) bespraoke door versjillende ekspaers. En
det zin neet zo mer get ekspaers: allereers zin veur bliej det de bekèndste
vinoloog (wienpreuver) van Nederlandj, Ilja Gort oet Frankriek d’rbiej is.
Dae waet alles van wien, wienflesse en glazer: of ‘t witte of roje wien is,
of ’t ‘n fles mit ‘ne kurk of sjroefdop is, ei hoog of leeg glaas. Es tweede
ekspaer kump nemes minder es perfesser dokter A. Sjerf, gesjpesialiseerd in
gebroeksveurwerpe. Dae zuut det op eder pötje waal ’n dèkselke pas.Toet
sjlot sjuuf nag eine wetesjapper aan, namelik perfesser Drs. Charrel Hoon,
dae heel väöl kènnis van glaaskuns en sjpegels haet. Waerdevól of eine
klómmel. Geur kènt ‘t zelf mitmake. Natuurlik sjteit alles ónger leijing van
Frits S. Haaj zaoterdigaovindj 2 meert mer vriej. ‘t Belaof eine intresante,
sjone en ammezante aovindj te waere. Ouch ómdet tösse de bedrieve door
Zjwamer artieste móge óptraeje en zo ein kans kriege óm veur ein miljoene
publiek (óppe tillevisie) op te traeje. Es ederein kiek natuurlik. Tösse
Kuns & Kitsj is op lokasie biej Sirkes Willemien. En de sirkestent sjteit
wie geweunlik aan de Riekswaeg. Óndanks alle Zjwamer kal is de sirk neet nao
ein grotere tent of angere lokasie gegaon.

|Doorsturen