Algemeen

Kiek Mer speeltj: 't is bingo oppe camping


Ein klucht van Evelien Evers

Tjeu en Bets gaon nao de camping. Tjeu hieët hie gein zin in en det leutj hae good merke. Hae knotertj op alles en ederein. Eigelijk is ’t gaar neet gezellig óm met hem op vakantie te gaon. De bure oppe camping vintj hae mer niks, ze lieke waal neet good wies. Ze höbbe häöre cavia Herman mètgenome nao de camping… waem duit noe zoget? En den kriesse ouch nog bezeuk oppe camping, ouch det nog. As den de duuer neet, mer de fles des te baeter oeëpe geit, is de vakantiestumming hieëlemaol wiet te zeuke.
En Herman…dae zuut dit allemaol gebuuere en dinktj d’r ’t zien van.

Wae spele op
Vriedig 12 april óm 20.00 oor
Zaoterdig 13 april óm 20.00 oor
Zunjig 14 april óm 14.00 oor

Meetingpoint de Nassaurie Grathem
De kaartverkoup begintj op 30 mieert bie ’t Smidje, Gulden Eind 9 in Grathem, telefonisch kintj gae reservere vanaaf 1 april bie Maurice, tel. 0475-452921 (nao 18.00 oor)
Zie facebook: Toneelvereniging Kiek Mer

|Doorsturen