Algemeen

FOETELZITTING 24-11-2018


Oetneudiging Foetelzitting Nuje Sjtiel

Bèste Foetelaers en Foetelaerinnekes,

Nog mer ein paar daag en den is ’t waer zo wiet. Den is de Foetelzitting 2018. Det geit gebeure in oze eige Foeteltempel, hie oppe Nuujsjtadt.
Zaoterdig 24 november 2018 - ’t begint óm 19.11 oer (zaal aope 18.33 oer)

In dees zitting numme de prinsepare, jeugprins Dirk en jeugprinses Derkje, prins Bas I en prinses Suzanne, aafsjiet van ein sjoon sezoen vol mit hoogtepuntje, bèzunjer activiteite en twee geweldig sjoon optochte. Zie kieke vas en zeker trök op eine veur hun ónvergaetelike tied, mit eine lach en waarsjienlijk ouch mit ein träönke.

Mer ’t is ouch tied veur fees, d’r is gezörg veur ein gevariejaerd program, det geäöpend wurt door nemes minder den ’t Venrayse duo Björn en Mieke, bekènd van ’t LVK, mit hits wie “1000 Sterre” en “Droeëme mit de oeëge oop”. Ouch traeje veur uch op Urban Dance Factory, RonnyRon, Trio Ongeplök en Party Kryner. 
Zörg daoróm mer det geer allemaol op tied in de Foeteltempel zeet.

’t Hoogtepuntj van de aovend zal zeker de bekèndmaking van de nuuj hooghede van ós Foetelriek zeen. 
Nao de onthulling van ’t jeugprinsepaar is aan mich de eer óm de nuje Prins te installaere es de 68ste prins van CV De Foetelaers.

’t Belaof waer eine heel sjone en gezellige aovend te waere, woveur ich uch allemaol van harte oetneudig.

Oetneudigend,

Gerrit Klaassen, Ere Opperfoetelaer  
CV De Foetelaers
|Doorsturen

Agenda


>>> Klik hier voor de complete Agenda.




Aanbiedingen!

Ingezonden Jouw nieuws

Vacatures


Sjnabbeltjes

Laatste reacties