Algemeen

Fieësweekend KV D’n Uul van den Grauwert 2018


In ’t weekend van 20 en 21 jannewarie a.s. vintj weer oos jaorliks fieësweekend plaats, in sporthal De Koeweide. KV D’n Uul van den Grauwert organiseertj op zaoterdig de Moferter Aovendj en op zondig vintj de receptie plaats van Prins Johnny IV.

Zaoterdig 20 jannewarie 2018: Moferter Aovendj
Zoea wie’tj g’r det van ós gewindj zeentj, höbbe v’r weer ‘ne keur aan Limburgse artieste veur uch gebook om d’r ‘ne sjoeane en gezellige aovendj van te make. V’r beginne de aovendj mit buuttereedners en kolderacts. Zoea zalle ónger angere Har Daniëls en John van Bilsen inne buutteton kroepe. Daonaeve truuedj ouch ’t duo Bloontj en Blaauw veur uch op. Netuurlijk is d’r ouch weer plaats veur de lokaal artieste. Nao 22:00 oere gaon v’r wiejer mit meziek. De eine nao de angere toparties zal veur uch optraeje. Waat dach g’r van de Tóddezek (3-voudig LVK-winaar), Paul en Leo (1e kieër LVK gewonne), Bjorn van Berkel en es klap oppe vuurpiel wuuertj de aovendj aafgeslaote door de enige echte Fabrizio. Samegevatj: ‘ne geweldige aovendj, vol vastelaovendj, dae geer absoluut neet moog misse! Dit geweldig program begintj om klokslaag 20:00 oere, de zaal is aope vanaaf 19:00 oere. Kaarte zeen te koup bie EMTE/Bekkerie Mans, biej de Vogel, Slieterie Bielmakers en bie de lede vanne raod van èllef! Dit moog g’r neet misse! Haopelijk toet danne!

Zondig 21 jannewarie 2018: Receptie Prins Johnny IV en Prinses Maud
Op zondig 21 jannewarie vintj inne Sporthal de receptie plaats van oos prinsepaar; Prins Johnny IV (van Pol) en Prinses Maud. Zie regere dit jaor euver ’t riek van D’n Uul van den Grauwert, ónger häöre spreuk: Op vol toere! Daonaeve kintj geer op dees receptie eur felicitasies euver bringe aan Stefan Coenen, dae zien 2x11 jäörig jubileum bie de vereniging viertj. De receptie begintj om 13:11 oere en zal doere toet ongevieër 20:11 oere. Veer nuuedige uch allemaol belaef oet om oos Prinsepaar, oze jubilaris, de adjudante enne lede vanne raod van èllef ’n hendje te kómme sjödde.
|Doorsturen

Agenda



>>> Klik hier voor de complete Agenda.



Aanbiedingen!

Ingezonden Jouw nieuws

Vacatures


Sjnabbeltjes

Laatste reacties